Aumenta as túas vendas cun deseño que sabe a mar, bosque, choiva e granito. Co interiorismo decorazul, axúdoche a teres un negocio máis rendible, sustentable e auténtico con alma galega.
Porque merece un espazo onde non pase desapercibido. Un lugar agradable, cómodo e atractivo para atraer máis visitas e render máis ao traballar. Máis vendas, máis veces e con maior valor.
Se o teu produto xa é bo, podo crear ese local diferenciado, memorable e útil.
Consigue maior rendemento comercial cun espazo amable coas persoas. Útil e cómodo para o teu equipo e atractivo para a túa clientela.
Evita cambiar de concepto, estética e materiais cada poucos anos con este estilo que non caduca. Que a moda sexa a autenticidade, e os nosos valores, a sinxeleza e a sustentabilidade.
Revaloriza os elementos que xa tes e conserva o ADN de cada peza, espazo e lugar. Todo leva unha historia dentro que paga a pena conservar, amosar e coidar. E, en decorazul, iso significa reivindicar a súa alma galega.
Apaixónanos Galicia. As nosas paisaxes, a cultura, a comida… O mar salvaxe e as fragas agochadas. Bateas, praias brancas, toxos.
Beber da cunca. Ir á aldea cando hai ponte. Escoitar a choiva e tomar un caldiño quente. Facer filloas en familia. Ir de furancho coas amizades e á verbena no verán.
A morriña cando marchamos e a hospitalidade cando volvemos. E que sexa imposible explicarlle á xente de fóra a palabra enxebre.
Todo o que nos fai como somos e que levamos tan dentro. E se o recuperamos para os nosos locais comerciais?
Unha estética e un espírito que nos pertencen, que sempre estiveron aí e que a túa clientela vai sentir propios en canto vexa o teu escaparate.
Cando colles un camiño estético propio, o público lémbrase de ti. Recoñécese na túa proposta. Fala de ti, entra máis, merca máis.
O estilo vencellado a unha tradición non entende de modas nin se pon reseso.
Podes conservar os seus elementos moitísimos anos e tirar o máximo proveito ao teu investimento
Fortalecemos a nosa cultura, colaboramos con empresas locais e empregamos materiais galegos sempre que é posible.
Só os elementos xustos, ben escollidos para a súa función práctica e estética. Para desbaldir menos e investir mellor.
A clientela cambia, a competencia evoluciona e o teu negocio non é o de hai anos.
Chegou a hora de devolverlle o vigor á túa marca. Revitaliza a túa esencia, diferénciate e atrae a atención da túa clientela.
Construamos un espazo eficiente, rendible e útil.
Para investimento dende 50 €/m2
Senta os alicerces do deseño centrándote nas solucións que achegan máis beneficio.
Primeiro, implantamos as medidas prioritarias. Despois, imos completando o resto do local.
Un desenvolvemento por fases para consolidar cada paso antes de dar o seguinte.
Para investimento dende 55 €/m2
Reconstrúe a imaxe do teu negocio para reformar o local dunha vez e para sempre (ou case).
Crea sensacións no teu público, atrae máis clientela e potencia as vendas dende a inauguración.
Unha obra completa que redefine o espazo, como se emprega e como se vende nel.
Sempre pensando en que non necesites facer cambios durante moitos anos e en amosar toda a personalidade que a túa marca merece.
Para investimento dende 65 €/m2
Queres un local así? Deamos bos pasos.
O informe de proxecto trata todo o relativo ao cambio de imaxe: o deseño, como é a obra (se hai), os materiais, o mobiliario etc.
Calcúlase o investimento total, no que o traballo de interiorismo é unha pequena parte (por volta do 5%).
Non. Mentres se leva a cabo a reforma, participo resolvendo as túas dúbidas e clarificándolles detalles aos reformistas, mais es ti quen debe mirar polo seu desenvolvemento e confirmar queseguen a planificación.
A asistencia técnica durante a reforma é un recomendable servizo extra. Controlarei a calidade e que a obra sexa fiel ao proxectado, e axudarei a resolver os imprevistos.
Acostumo colaborar con profesionais que che podo recomendar (carpintaría, albanelaría, fontanaría…).
Inclúo os seus orzamentos no proxecto e, se os contratas, a tarifa total xa abrangue a miña asistencia técnica na obra.
Se prefires buscar os teus propios profesionais, a miña asistencia técnica na obra non está incluída e, se desexas contratala, tarífase a maiores.
Todo, dende o deseño ata o último elemento decorativo, pasando polo custo da reforma.
Cada caso é único e personalizado, polo que non hai un prezo estándar. No deseño, tes tres opcións:
A iso hai que engadirlle o custo da obra, os materiais, o mobiliario e os elementos decorativos.
Antes de calquera obra que queiras facer e antes de contactar as empresas de reformas.
Podemos ver se a túa idea é útil para captares clientela. ¡Ollo! Algo que che pareza bonito a ti pode non significar nada para outras persoas.
Despois, podo axudarche a crealo. «Amasarémolo» para convertelo nun interiorismo útil e rendible.
Boa pregunta. É para o teu negocio se:
Si, terás que colaborar na fase de documentación. Non fago un interiorismo de copiar e colar. Teño que aprendelo todo sobre a túa empresa, produtos e clientela. Sen esa información, non podo crear o teu proxecto.
A filosofía decorazul poderíase aplicar para crear vivendas máis confortables e persoais, pero céntrome en negocios.
Estes poden ser locais comerciais (tendas, restaurantes, bares), oficinas e despachos, hoteis… En definitiva, calquera espazo de traballo onde se queira aumentar a rendibilidade económica, potenciar a imaxe de marca ou mellorar a calidade de vida do cadro de persoal.
É tan doado coma que mo preguntes. ¡Escríbeme e resolvemos a dúbida!
