decorazul:

interiorismo xeitoso para que a túa clientela se sinta na casa

Aumenta as túas vendas cun deseño que sabe a mar, bosque, choiva e granito. Co interiorismo decorazul, axúdoche a teres un negocio máis rendible, sustentable e auténtico con alma galega.

Se o teu produto xa é bo, para que decorares o local?

Porque merece un espazo onde non pase desapercibido. Un lugar agradable, cómodo e atractivo para atraer máis visitas e render máis ao traballar. Máis vendas, máis veces e con maior valor.

Se o teu produto xa é bo, podo crear ese local diferenciado, memorable e útil.

Así é o interiorismo decorazul

Práctico e confortable

Consigue maior rendemento comercial cun espazo amable coas persoas. Útil e cómodo para o teu equipo e atractivo para a túa clientela.

Duradeiro e limpo

Evita cambiar de concepto, estética e materiais cada poucos anos con este estilo que non caduca. Que a moda sexa a autenticidade, e os nosos valores, a sinxeleza e a sustentabilidade.

Respectuoso coa identidade

Revaloriza os elementos que xa tes e conserva o ADN de cada peza, espazo e lugar. Todo leva unha historia dentro que paga a pena conservar, amosar e coidar. E, en decorazul, iso significa reivindicar a súa alma galega.

O interiorismo decorazul é enxebre e actual

Apaixónanos Galicia. As nosas paisaxes, a cultura, a comida… O mar salvaxe e as fragas agochadas. Bateas, praias brancas, toxos.

Beber da cunca. Ir á aldea cando hai ponte. Escoitar a choiva e tomar un caldiño quente. Facer filloas en familia. Ir de furancho coas amizades e á verbena no verán.

A morriña cando marchamos e a hospitalidade cando volvemos. E que sexa imposible explicarlle á xente de fóra a palabra enxebre.

Todo o que nos fai como somos e que levamos tan dentro. E se o recuperamos para os nosos locais comerciais?

Unha estética e un espírito que nos pertencen, que sempre estiveron aí e que a túa clientela vai sentir propios en canto vexa o teu escaparate.

En decorazul, abrímosche a porta do interiorismo de esencia galega

Porque melloras a túa imaxe de marca

Cando colles un camiño estético propio, o público lémbrase de ti. Recoñécese na túa proposta. Fala de ti, entra máis, merca máis.

Porque rendibilizas o teu negocio

O estilo vencellado a unha tradición non entende de modas nin se pon reseso.

Podes conservar os seus elementos moitísimos anos e tirar o máximo proveito ao teu investimento

Porque protexes o que é de todos

Fortalecemos a nosa cultura, colaboramos con empresas locais e empregamos materiais galegos sempre que é posible.

Só os elementos xustos, ben escollidos para a súa función práctica e estética. Para desbaldir menos e investir mellor.

Tres servizos decorazul para que rendibilices o teu negocio

Con que proxecto de interiorismo potenciaremos as túas vendas?

1. Lavado de cara

Potencia os teus servizos cun proxecto de decoración áxil

A clientela cambia, a competencia evoluciona e o teu negocio non é o de hai anos.

Chegou a hora de devolverlle o vigor á túa marca. Revitaliza a túa esencia, diferénciate e atrae a atención da túa clientela.

Construamos un espazo eficiente, rendible e útil.

  • Respectas a estrutura
    Obra menor controlada e centrada en dignificar materiais, revestimentos, mobiliario e iluminación.

  • Mantés a distribución
    O teu local tal e como xa o utilizas, pero rexuvenecido, adaptado e único.

  • Sen desvíos nin inventos
    Deseño útil e bonito para que dea gusto visitarte e mercarche. Iso é todo.

Para investimento dende 50 €/m2

2. Reforma por partes

A reforma de interiorismo que medra co teu negocio

Senta os alicerces do deseño centrándote nas solucións que achegan máis beneficio.

Primeiro, implantamos as medidas prioritarias. Despois, imos completando o resto do local.

Un desenvolvemento por fases para consolidar cada paso antes de dar o seguinte.

  • Sempre ollando ao norte
    Segues unha planificación estratéxica pensando no longo prazo. Pequenos trazos para crear un gran cadro.

  • Sen freares o teu negocio
    Actuacións parciais ben meditadas para interromper o mínimo a actividade normal do local.

Para investimento dende 55 €/m2

3. Proxecto completo

Interiorismo integral para rendibilizar dende o minuto 1

Reconstrúe a imaxe do teu negocio para reformar o local dunha vez e para sempre (ou case).

Crea sensacións no teu público, atrae máis clientela e potencia as vendas dende a inauguración.

Unha obra completa que redefine o espazo, como se emprega e como se vende nel.

Sempre pensando en que non necesites facer cambios durante moitos anos e en amosar toda a personalidade que a túa marca merece.

  • Renovas a túa marca
    Estudo de branding profesional: nova estética, concepto e logotipo.

  • Salientas a túa oferta
    Deseño que ambienta, enmarca e fai protagonista o teu produto ou servizo. Que as sensacións o invadan todo e os ollares vaian onde teñen que ir.

  • Diferénciaste decontado
    A túa imaxe cos teus valores e estética única para marcar a túa posición no sector sen esperas nin procesos interminables.

  • Facilitas o traballo no local
    Melloras deseguida as condicións do teu persoal, que traballará máis cómodo e se identificará máis coa túa marca.

Para investimento dende 65 €/m2

Como se crea o interiorismo decorazul?

En decorazul, interiorismo é crear un espazo funcional e atractivo que te diferencia para conseguires máis atención e máis vendas.

Queres un local así? Deamos bos pasos.

Coñecéndonos

Para crear un local auténtico e personalizado, teño que coñecer moi ben a túa empresa. Así que, prepárate!

Recolleremos moita información. Si: durante unhas semanas, vas pensar moito no teu negocio e terás que remangarte e participar.

Análise inicial

O interiorismo decorazul faise observando e comprendendo o espazo.

  • Vou, mido e fotografo persoalmente.
  • Analizo o estado dos elementos actuais.
  • E logo estudo a túa competencia para poder gañarlle dianteira.
Anteproxecto

Con toda a información recompilada, deseño a proposta de marca e creo un anteproxecto. Verás a transformación do teu negocio con imaxes dixitais antes de investires nin un euro.

Revisamos conxuntamente a proposta para mellorala.

Proxecto definitivo

Tras as revisións, preparo o informe de proxecto definitivo. Inclúe:

  • Toda a información técnica necesaria para a execución
  • Vistas e planos
  • Explicación do resultado
  • O orzamento total e os seus conceptos polo miúdo
Asesoramento de obra

Durante a obra, contas coa miña axuda para resolver dúbidas en remoto.

Se o desexas, podes contratar o servizo de asistencia técnica interiorista. Controlarei persoalmente que a obra se execute segundo o proxectado.

Entendido,

E se cadra estaste a preguntar...

O informe de proxecto trata todo o relativo ao cambio de imaxe: o deseño, como é a obra (se hai), os materiais, o mobiliario etc.

Calcúlase o investimento total, no que o traballo de interiorismo é unha pequena parte (por volta do 5%).

Non. Mentres se leva a cabo a reforma, participo resolvendo as túas dúbidas e clarificándolles detalles aos reformistas, mais es ti quen debe mirar polo seu desenvolvemento e confirmar queseguen a planificación.

A asistencia técnica durante a reforma é un recomendable servizo extra. Controlarei a calidade e que a obra sexa fiel ao proxectado, e axudarei a resolver os imprevistos.

Acostumo colaborar con profesionais que che podo recomendar (carpintaría, albanelaría, fontanaría…).

Inclúo os seus orzamentos no proxecto e, se os contratas, a tarifa total xa abrangue a miña asistencia técnica na obra.

Se prefires buscar os teus propios profesionais, a miña asistencia técnica na obra non está incluída e, se desexas contratala, tarífase a maiores.

Todo, dende o deseño ata o último elemento decorativo, pasando polo custo da reforma.

Cada caso é único e personalizado, polo que non hai un prezo estándar. No deseño, tes tres opcións:

  1. Lavado de cara, dende 50 €/m2
  2. Reforma por partes, dende 55 €/m2
  3. Reforma integral, dende 65 €/m2

 

A iso hai que engadirlle o custo da obra, os materiais, o mobiliario e os elementos decorativos.

Vai depender do tamaño e a complexidade do teu caso, pero a creación do deseño adoita demorar unhas 3-5 semanas.
 
O ideal é que o proxecto comece canto antes e recoméndoche non agardar máis de 6-12 meses. De aí en adiante, a duración da obra vai depender da súa magnitude.
Non, esa documentación non fai parte do proxecto.

Antes de calquera obra que queiras facer e antes de contactar as empresas de reformas.

Podemos ver se a túa idea é útil para captares clientela. ¡Ollo! Algo que che pareza bonito a ti pode non significar nada para outras persoas.

Despois, podo axudarche a crealo. «Amasarémolo» para convertelo nun interiorismo útil e rendible.

Boa pregunta. É para o teu negocio se:

  • Ofreces un produto/servizo de boa calidade.
  • Te esforzas por coidar dos teus clientes e persoal empregado.
  • Comprendes que o interiorismo é unha ferramenta de marketing, venda e satisfacción.
  • Aceptas responder preguntas complexas e colaborar activamente no proceso.
  • Defendes valores de sustentabilidade e respecto ambiental e cultural

Si, terás que colaborar na fase de documentación. Non fago un interiorismo de copiar e colar. Teño que aprendelo todo sobre a túa empresa, produtos e clientela. Sen esa información, non podo crear o teu proxecto.

A filosofía decorazul poderíase aplicar para crear vivendas máis confortables e persoais, pero céntrome en negocios.

Estes poden ser locais comerciais (tendas, restaurantes, bares), oficinas e despachos, hoteis… En definitiva, calquera espazo de traballo onde se queira aumentar a rendibilidade económica, potenciar a imaxe de marca ou mellorar a calidade de vida do cadro de persoal.

É tan doado coma que mo preguntes. ¡Escríbeme e resolvemos a dúbida!

Quedouche algunha dúbida?