Mais, que é decorazul?

O interiorismo rendible que mira ao km. 0 ambiental e cultural

É o deseño honesto que potencia o teu negocio sen que renuncies ao bo gusto, á comodidade e á ergonomía.

Na casa decorazul, todo vai de valores

1. Defendo o práctico e agradable

Hai tortas fermosas que cando as probas están secas. E a min o bonito, así sen máis, sábeme a pouco.

O deseño ten que ser útil e confortable.

Como conseguimos un local máis agradable ao que ir, no que estar e onde mercar?

Coa disposición dos espazos
Cunha lóxica interna funcional e sensata
E cunha presentación que inspire emocións

2. Comprométome coa sustentabilidade

Queremos un interiorismo limpo que dure. Cos elementos xustos, sen máis reviravoltas.

A que me refiro?

A darlles nova vida aos elementos que xa tes
Co atemporal estilo galego
E procurando na medida do posible recursos ecolóxicos e de proximidade

3. Celebro a identidade galega

Os estilos sueco, estadounidense ou xaponés non piden permiso para meterse en todas as casas. Por que debería agocharse o galego na súa?

Temos os nosos propios conceptos, arquitectura, ferramentas e emocións.

Quero que o teu local sexa único e especial. Como captar as emocións do teu público?

Conservando o ADN dos elementos
Protexendo e priorizando aqueles que teñan historia
E co coñecemento dunha vida a estudar arquitectura, decoración e cultura galegas

Ola, son Sabela Liñeira

E a miña paixón é cultivar e enriquecer: a miña pequena horta, a vida do bosque e a cultura galega. Se cadra por iso deseño locais rendibles, sustentables e moi auténticos.

Cheguei a este punto logo de 20 anos a aprender en varias empresas de interiorismo e mobles:

As inimaxinables posibilidades estéticas e funcionais de centos de materiais
O impactante carácter que pode ter un espazo creado para ser único
A maxia e o respecto detrás do traballo da madeira á medida
A importancia de crear lugares máis humanos ao deseñar escolas infantís

E o fracaso dos negocios que non pensan na súa imaxe, o valor do seu produto e a clientela á que teñen que emocionar.

Observas, aprendes, aplicas, depuras. Repites e obtés as tres chaves do deseño que funciona:

Está ligado á empresa

(ou será un disfrace da talla errada)

É imprescindible coñecer o negocio!

Que se vende e a quen, cal é o ton, que obxectivos comerciais hai, como traballa o persoal…

Fálalle á clientela

(ou vai facer eco)

O obxectivo é captar clientes. Para conseguires máis vendas, tes que que gustarlles a eles primeiro.

Agradable para a clientela, cómodo para o persoal.

Esixe estudo

(ou vai suspender o exame)

Un profesional non copia nin se limita a seguir tendencias só para contentar o seu cliente.

Ten que analizar en profundidade o caso para darlle o que mellor encaixe.

Así é o interiorismo que achega valor!

Gústame pensar que co meu traballo non «decoro», mais «deseño negocios». Fágoos máis rendibles e duradeiros. E cando pasas eses alicerces profesionais polo filtro dos valores e a honestidade, nace decorazul.

decorazul

decor·azul

de·cor·azul

Azul. A cor que estimula a imaxinación, a creatividade, o limpo, a liberdade… Conceptos abstractos mais moi potentes que se concretan en deseños e espazos moi reais e tanxibles.