Deseño espazos de alma galega que aumentan as vendas en tendas, restaurantes e oficinas.
Abre as portas dun establecemento único no que a clientela vai querer mercar e ao que volverá.
A min os lugares agradables atráenme coma un imán e, aínda por riba, parecen máis valiosos. A verdade é que fan máis vendas, con máis frecuencia e de maior valor. Paga a pena planificalos moi ben. ¡Ser agradables non pode ser unha casualidade!
En decorazul, iso vai ligado a sermos auténticos.
E, claro está, aquí o auténtico é Galicia.
Consegues un local pensado para ser práctico, útil e cómodo. Onde empregadas e empregados traballan mellor e máis contentos. E onde a clientela atópase agusto dentro.
Resumo: obtés máis ingresos con menos custos.
Cando o local segue un estilo propio, non lle afectan as modas que mudan a cada paso. Será atractivo e terá personalidade durante moitos anos.
É dicir: potencias a imaxe de marca con menos gasto recorrente.
Encántame o deseño sinxelo cos elementos xustos e tamén darlle nova vida á antiga artesanía galega. Busco as pezas novas o máis preto posible e reduzo o consumo excesivo.
Resultado: aforras en material e melloras o teu prestixio.
En definitiva:
decorazul é interiorismo galego para negocios que queren ser rendibles, sustentables e moi auténticos.
Detrás de decorazul está Sabela Liñeira (boas!), interiorista namorada de Galicia, da súa arquitectura e da súa cultura.
Tras 20 anos creando espazos, agora quero axudarche a rendibilizar o teu negocio cun toque galego e inspiración sustentable.
Un proxecto miúdo e áxil para refrescar a imaxe do local e atraer ollares.
Unha reforma por fases comezando polo máis esencial para ir medrando paseniño.
A reforma total que satisfai todos os cambios nunha única obra.
O informe de proxecto trata todo o relativo ao cambio de imaxe: o deseño, como é a obra (se hai), os materiais, o mobiliario etc.
Calcúlase o investimento total, no que o traballo de interiorismo é unha pequena parte (por volta do 5%).
Non. Mentres se leva a cabo a reforma, participo resolvendo as túas dúbidas e clarificándolles detalles aos reformistas, mais es ti quen debe mirar polo seu desenvolvemento e confirmar queseguen a planificación.
A asistencia técnica durante a reforma é un recomendable servizo extra. Controlarei a calidade e que a obra sexa fiel ao proxectado, e axudarei a resolver os imprevistos.
Acostumo colaborar con profesionais que che podo recomendar (carpintaría, albanelaría, fontanaría…).
Inclúo os seus orzamentos no proxecto e, se os contratas, a tarifa total xa abrangue a miña asistencia técnica na obra.
Se prefires buscar os teus propios profesionais, a miña asistencia técnica na obra non está incluída e, se desexas contratala, tarífase a maiores.
Todo, dende o deseño ata o último elemento decorativo, pasando polo custo da reforma.
Cada caso é único e personalizado, polo que non hai un prezo estándar. No deseño, tes tres opcións:
A iso hai que engadirlle o custo da obra, os materiais, o mobiliario e os elementos decorativos.
Antes de calquera obra que queiras facer e antes de contactar as empresas de reformas.
Podemos ver se a túa idea é útil para captares clientela. ¡Ollo! Algo que che pareza bonito a ti pode non significar nada para outras persoas.
Despois, podo axudarche a crealo. «Amasarémolo» para convertelo nun interiorismo útil e rendible.
Boa pregunta. É para o teu negocio se:
Si, terás que colaborar na fase de documentación. Non fago un interiorismo de copiar e colar. Teño que aprendelo todo sobre a túa empresa, produtos e clientela. Sen esa información, non podo crear o teu proxecto.
A filosofía decorazul poderíase aplicar para crear vivendas máis confortables e persoais, pero céntrome en negocios.
Estes poden ser locais comerciais (tendas, restaurantes, bares), oficinas e despachos, hoteis… En definitiva, calquera espazo de traballo onde se queira aumentar a rendibilidade económica, potenciar a imaxe de marca ou mellorar a calidade de vida do cadro de persoal.
Recorro a profesionais en quen confío porque temos traballado xuntos noutros proxectos e sei que o fan ben. Podes aceptalos ou recorrer aos teus propios reformistas.
A respecto dos materiais, pezas decorativas, mobiliario etc.:
É tan doado coma que mo preguntes. ¡Escríbeme e resolvemos a dúbida!
