Reformas por partes - Decorazul | Interiorismo galego para Negocios Hostalaría

Non sempre se pode facer todo á vez. Pero iso non significa que haxa que quedar de brazos cruzados

Para eses casos en que só se necesitan reformas menores ou non é posible realizar toda a transformación dunha soa vez, propóñoche irmos paso a paso, identificando os puntos críticos e actuando sobre eles primeiro. O resto xa virá.

Pensado para negocios que xa están en marcha en non poden enfrontar ou non necesitan unha reforma integral dos seus espazos.
Sen necesidade de modificar a distribución nin derrubar tabiques.
Centrámonos no visual, sen tocar o estrutural: escolla de materiais, revestimentos, mobiliario, iluminación e atrezzo.
E entrégoche unha guía practica adaptada a cada sector, con pautas para xestionares a colocación e exposición de produto, textos orientados á venda, etc. (de balde, para ti)

Prezo: en función da superficie a reformar.
Duración: 4-5 semanas.

Concepto creativo adaptado á túa marca, produto ou servizo.
Comunicación directa coa túa interiorista, sen intermediarios.
Plantas, distribución, alzado e detalles.
Memoria descritiva pormenorizada sobre como colocar o produto e en que lugar ten maior visibilidade.
Memoria descritiva con valoración estimada da obra e shopping list.
Soporte ilimitado no tempo de duración da obra e reforma
Permisos e licenzas de obra
Xestión de servizos de pintura, albanelaría, carpintaría e fontanaría para montaxe e instalación, se son necesarios.
Adaptación do logotipo e outros elementos da identidade gráfica ao stand e servizo de copywriting.
Estratexia dixital: web, redes, deseño gráfico publictario, etc. (valorarase á parte).

Onde está escrito que os cambios haxa que facelos todos dunha soa vez?

Contactamos con Sabela para arranxar o frontal da cociña do noso local, que se vía moi feo. O que nos recomendou foi integrar esa parede co resto do local, adaptando o deseño ao comedor que xa existía e redeseñando a entrada do local. Foi a mellor decisión que puidemos tomar: unha obra áxil, con detalles simples que mudaron por completo todo o ambiente. Marchamos de viaxe uns días e ao voltarmos a reforma estaba terminada e o noso restaurante presentaba unha imaxe cun resultado excelente, sen sorpresas nin desfases no orzamento.

Traballar con Sabela é contratar compromiso, calidade y a seguridade de que vai coidar todos os detalles para que o proxecto quede exactamente como foi deseñado. Se buscas unha profesional que se implique e cumpra os prazos de entrega, escolle Sabela”

Nunca tería imaxinado que o deseño puidese causar tantas impresións. Aínda que era escéptico, agora confirmo que un espazo ben deseñado que mostre o produto da forma que queres que o teu cliente o vexa capta mellor a atención que calquera outro. Puiden ver como cambia facer un proxecto, saber cal vai ser a finalidade e o resultado final cunha previsión que define ata o último detalle sen deixar nada ao azar. Quedei realmente satisfeito e gustoume moito a posta en escena. Foi o mellor, e a realidade superou a ficción das infografías.

Non sempre se pode facer todo á vez. Pero iso non significa que haxa que quedar de brazos cruzados

Reformas parciais