fbpx

Pescados Oliveira

Estado previo

Un Merca de peixe ao pormaior non soe ter ningún atractivo visual. As naves son espazos descoidados nos que, neste caso, se expón o peixe, de xeito a miúdo desordenado. Son, ademais, sitios normalemente húmidos e fríos onde se a xente se concentra para unha venda rápida.

O obxectivo deste cliente era dotar de maior calidez ao seu espazo de traballo, destacando ademais o seu posto de venda do resto da nave, de aspecto máis desgastado debido ao paso de carretillas e camións e ao amoreamento de caixas.

Deste xeito, optamos por facer un «make over» tendo en conta a localización, dentro dun Merca moi deteriorado. O deseño debía estar á altura das circunstancias, sen que se desfasase, e cun mantemento moi doado. Ademais, debía ter presentes os elemtentos xa existentes: oficina, cámaras, viveiros, etc. E, por último, debía representar a imaxe de marca da mellor maneira posible.

Partiuse, polo tanto, das cores azuis que representan a marca, resignificándoas aquí en forma de fondo para representar o mar. Incorporamos sobre iso un raiado branco cun pintado especial anti-humidade, que permite notar o bloque das paredes da nave. O chan foi pintado da mesma cor, cunhas marcas para o correcto amoreamento de caixas para a exposición prevenda.

A partir de aí, deseñouse unha nova distribución que mellorase a mobilidade da clientela, cun espazo máis aberto e limpo, que ademais permitise destacar a frescura do produto — peixes e mariscos acabados de traer do mar.

A zona de venda potenciouse con luminarias estancas de luz Led fría, especial para resaltar a frescura, colocadas sobre unha estrutura metálica suspendida que soporta, á vez, unha bandada de gaivotas que sobrevoan as caixas con peixe a desbordar.

A caseta de chapa furada recorda unha cabina de barco con ollos de boi e o amarelo típico dos traxes de augas da xente de mar. Ás horas frías e húmidas da madrugada en que se citan aquí os compradores, esta cabina é o lugar perfecto para lles ofrecer unha bebida quente, sen que iso distraia a atención do produto, perfectamente visible desde o interior.

O resultado é un deseño sustentable e rendible, que emprega poucos elementos e de moi doada conservación, integrándose nun espazo sobre o que destaca rapidamente.

Planos

Cando queres comezar?

Reserva xa a primeira reunión de traballo para que avaliemos conxuntamente o teu caso. E, se tes un negocio, non marches sen descargares o teu workbook!

Cando queres comezar?

Reserva xa a primeira reunión de traballo para que avaliemos conxuntamente o teu caso. E, se tes un negocio, non marches sen descargares o teu workbook!