fbpx

Cociña Mirasol

Estado previo

A cociña Mirasol encádrase no grupo de proxectos de pequeno espazo, e serve como mostra de todo o que se pode conseguir cando aplicamos os criterios profesionais do interiorismo en obras con tamaños, orzamentos e tempos de execución reducidos. E coa necesidade de minimizar o impacto da obra na vida cotiá da casa, ademais.

  1. As condicións deste proxecto estaban claras desde o principio. Tratábase de:
  2. intervir unicamente na cociña,
  3. alargar a sensación de espazo sen ampliar os metros cadrados reais,
  4. adaptar o espazo ás liñas estéticas xerais do resto da casa,
  5. realizar unha obra rápida, áxil e limpa, reducindo a derruba á mínima expresión.

A principal dificultade foi o curto tempo de execución dispoñible, xa que se debían aproveitar uns días de ausencia da familia. Para cumprir os requisitos, ideamos e planificamos a intervención de todos os gremios ao milímetro.

A idea base do proxecto foi adaptar a cociña á filosofía de vida desta familia, conectando o espazo co resto da casa. O primeiro impulso foi abrir a cociña completamente á sala de estar, pero o resultado encarecería a obra, porque obrigaría a intervir sobre os chans. A alternativa era centrarse no habitáculo da cociña, establecendo unha conexión visual que permitiu, ademais, reducir a derruba.

Ademais, para evitar o efecto «nicho», retiramos a porta dobre do salón, ampliando tamén o seu espazo e proxectándoo cara ao corredor. Por outra banda, realizamos un estudo completo do uso da cociña en busca dunha distribución máis eficiente e ergonómica, axeitándoa ao modo de cociñar da familia.

O novo mobiliario da cociña e os revestimentos en taboleiro idéntico ao dos mobles permitíronnos aforrar — evitando o alicatado cerámico. Neste caso, escollemos un taboleiro Finsa Gris Porriño Supermate II, que envolve toda a superficie e se funde co resto do acabado das paredes da casa, cunha tonalidade similar. Á súa vez, o granito galego Mondariz na encimeira, a fronte e os laterais protexe de posibles humidades e ofrece resistencia extra nos puntos onde o sofrimento dos materiais é máis acusado.

Así é como resolvemos o proxecto en só tres días de execución:

Día 1: Preparamos as instalacións de electricidade e fontanaría e o traballo de albanelaría.

Día 2: Colocamos as alacenas, instalamos os electrodomésticos e terminamos coa colocación da pedra encimeira. A maioría de marmolerías dispoñen de pedras no seu stock listas para cortar e servir, polo que é factible facelo todo nun só día.

Día 3: Instalamos a carpintaría metálica e realizamos os traballos de detallado con pintura, finalizando a obra.

Día 4: A cociña quedou lista para ser usada de novo.

É evidente que un timing deste tipo, tan axustado, esixe compromiso e profesionalidade por parte dos gremios que interveñen na parte práctica da obra, e tamén unha planificación experimentada e unha dirección de obra profesional. Non sempre vai ser posible fiar as intervencións tan seguidas, pero este exemplo é a demostración práctica de que, xa sexan 3 ou 4 días, as reformas non teñen por que eternizarse. Aínda que sexan profundas.

Planos

decorazul-cando-queres-comezar

Como sería no teu negocio?

Ti tamén podes atraer clientes fieis cun establecemento feito para ser memorable, rendible e único. E todo empeza pulsando aquí:

Asesoría gratuíta
Solicitar asesoría gratuíta
Decorazul
Ola, son Sabela. Escribe aquí a túa consulta e respondereiche de 9:00 a 19:00 h. En que podo axudarche?