fbpx

Casa nas Pereiras

Estado previo

A Casa nas Pereiras está situada no Camiño Inglés, preto de Compostela. Localizado nunha pequena aldea onde todas as casas comparten unha mesma eira, este inmoble quedara moi deteriorado polo abandono e polo paso do tempo. A opción pola que se optou foi reconstruílo empregando técnicas tradicionais de mampostaría. O obxectivo era claro: conseguir un deseño funcional e adaptado aos tempos actuais, pero partindo da base da arquitectura tradicional.

O resultado é un interiorismo sinxelo e atemporal, con espazos abertos e versátiles e cunha escaleira como elemento rector, cuxa cor morada se espalla ademais pola viga central e o resto de viguetas do forxado do andar inferior. A varanda é unha réplica da típica varanda compostelá, presente en balcoadas, baixadas e escaleiras de toda a cidade.

O respecto pola tradición pode verse en varios elementos da cociña, como a preservación do forno de leña, ou un vertedoiro que, sendo moderno, parte dunha reinterpretación de formas históricas que tivo tamén en conta o material.

Como a Casa nas Pereiras ten como obxecto acoller peregrinos e pequenos grupos de persoas antes de chegaren a Compostela, toda a obra foi realizada atendendo á máxima de empregar materiais resistentes e de pouca exixencia canto ao mantemento, pero que á vez fosen asequibles dado o limitado orzamento disponible.

De aí o uso do chan de granito gris Mondariz, colocado en toda a superficie do andar baixo e no entrechán, integrando a lareira de leña e o banco na zona do salón. O aseo tamén comparte este material no prato de ducha e na encimeira do lavabo.

O resultado, xunto co vaciamento de elementos superfluos, é un espazo neutro que admite multitude de posibilidades segundo o equipamento que se dispoña. De maneira que é posible crear no interior un ambiente tanto informal como clásico ou máis actual, sen que iso interfira no ADN propio deste tipo de construcións populares tradicionais.

Planos

Cando queres comezar?

Reserva xa a primeira reunión de traballo para que avaliemos conxuntamente o teu caso. E, se tes un negocio, non marches sen descargares o teu workbook!

Cando queres comezar?

Reserva xa a primeira reunión de traballo para que avaliemos conxuntamente o teu caso. E, se tes un negocio, non marches sen descargares o teu workbook!